Sakinisha KazaVPN kwenye Windows

Pakua kisakinishi

Tumia kompyuta unayotaka kuweka KazaVPN.

1. Fungua ukurasa wa kupakua na uchague kitufe kilicho chini ya Windows.
2. Kivinjari chako kikisema faili hii haipakuliwi mara nyingi, chagua kuiweka: katika Edge, chagua “Weka”, kisha “Onyesha zaidi” na “Weka hata hivyo”; katika Chrome, chagua “Pakua faili inayotiliwa shaka”.

Kagua faili

Hatua hii ni ya hiari. Ukurasa wa kupakua unaonyesha alama ya kidole ya kisakinishi chini ya “Kagua faili”: msimbo mrefu unaobadilika kabisa hata herufi moja tu ya faili ikitofautiana. Fungua PowerShell kutoka menyu ya Anza, bandika amri iliyo hapa chini na ubonyeze Enter.

Get-FileHash $HOME\Downloads\kazavpn-windows-*.exe

Msimbo ulio chini ya Hash ukilingana na alama ya kidole iliyo kwenye ukurasa wa kupakua, faili ni ile ile hasa tuliyochapisha. Isipolingana, futa faili na uipakue tena.

Endesha kisakinishi

Windows inaonya kuhusu programu kutoka kwa mchapishaji ambaye bado haimjui. Hatua hizi zinakupitisha kwenye onyo hilo.

1. Fungua faili kutoka kwenye vipakuliwa vya kivinjari chako, au kutoka folda yako ya Vipakuliwa.
2. Dirisha likisema “Windows imelinda Kompyuta yako”, chagua “Maelezo zaidi”, kisha “Endesha hata hivyo”.
3. Windows ikiuliza kama uruhusu programu hii kutoka kwa mchapishaji asiyejulikana kufanya mabadiliko kwenye kifaa chako, chagua “Ndiyo”.
4. Fuata kisakinishi hadi mwisho na uchague “Maliza”. KazaVPN itafunguka yenyewe.

Mara ya kwanza, huenda kisakinishi kikapakua vipengele vichache vya Windows ambavyo KazaVPN inahitaji, kwa hivyo acha kompyuta yako iwe mtandaoni hadi kimalize. Windows ikisema Smart App Control imezuia faili, kompyuta yako inaendesha tu programu ambazo Windows tayari inazitambua: ili kutumia KazaVPN, zima Smart App Control katika Usalama wa Windows, chini ya “Udhibiti wa programu na kivinjari”, kisha uendeshe kisakinishi tena.

Ingia na uunganishe

Ingia kwa akaunti yako ya KazaVPN. Baadaye, unaweza kufungua KazaVPN kutoka menyu ya Anza.

Mara ya kwanza unapounganisha, Windows inaomba ruhusa ili KazaVPN iweze kuandaa muunganisho wake. Chagua “Ndiyo”.

Sasisha au ondoa KazaVPN

Toleo jipya likitoka, KazaVPN itakujulisha. Pakua kisakinishi kipya na ukiendeshe. Kinachukua nafasi ya toleo la zamani na kinahifadhi mipangilio yako.

Ili kuondoa KazaVPN, fungua “Mipangilio”, nenda kwenye “Programu”, tafuta KazaVPN kwenye programu ulizosakinisha na uchague “Ondoa”.